Докторот Ентони Фаучи, инфектолог и главен советник на претседателот на САД во врска со пандемијата, изјави дека вакцинираните имаат „одредена заштита“ од новиот сој на коронавирус, но за неколку недели ќе се знае колку се ефикасни вакцините.
Фаучи истакна дека омикрон се разликува од останатите соеви на коронавирус.
Иако вели дека вакцините коишто се користат во САД(Pfizer, Moderna, J&J) можат да спречат појава на тешки клинички слики предизвикани од омикрон, нагласува дека „не е сигурно“ дали можат целосно да заштитат од заразување со коронавирус.
Рано е да зборуваме за тоа колку сериозна слика предизвикува омикрон. Ќе имаме повеќе информации за неколку недели, вели Фаучи.
Досега се забележани стотина случаи на зараза со омикрон во 20 земји, но не и во САД. Сепак се верува дека овој сој ќе стигне и во Америка.
Директорот на компанијата Moderna во интервју за FT вели дека постоечките вакцини ќе бидат помалку ефикасни за омикрон и дека веќе работат на вакцина против овој сој.
