Голден Стејт Вориорс на домашен паркет го победи Феникс Санс со 123:112, а натпреварот го одбележа фантастичното прво полувреме на Клеј Томпсон, кој влезе во историјата на НБА.
Имено, Томпсон во првото полувреме постигна 33 поени за само 18 одиграни минути, шутирајќи 12/18 од поле, од кои 8/12 беа тројки.
Тоа беше петти натпревар во неговата кариера на кој стигна до 30 поени до полувремето и 10-ти сезонава во кој постигна 30 или повеќе поени.
Инаку, Томпсон по трет пат во кариерата низ првите две четвртини успеа да постигне 30 поени и 8 тројки, израмнувајќи го со Демиен Лилард.
Натпреварот го заврши со вкупно 38 поени и 5 скока, додека неговиот соиграч Стеф Кари додаде 23 поени со 7 скока и 5 асистенции.
Најдобри во редовите на Санс беа Деандре Ајтон со 27 поени и 12 скока и Девин Букер со 32 поена.
Голден Стејт со синоќешната победа се доближи до Феникс кој е на 4. место во Западната конференција со 37 победи и 31 пораз. Вориорс се петти со 36-33.
Резултати:
Детроит Пистонс - Индијана Пејсерс 117:97
Атланта Хокс - Минесота Тимбервулвс 115:136
Мајами Хит - Јута Џез 119:115
Далас Маверикс - Мемфис Гризлис 88:104
Хјустон Рокитс - Бостон Селтикс 111:109
Голден Стејт Вориорс - Феникс Санс 123:112
Сакраменто Кингс - Милвоки Бакс 124:133
Табела:
