Министерот за здравство Венко Филипче преку социјалните мрежи истакна дека бројот на хоспитализирани пациенти со COVID-19 е стабилен повеќе од 20 дена.
„Повеќе од 20 дена имаме стабилен број на хоспитализирани пациенти. Процентот на хоспитализирани од активни случаи не надминува 12, а речиси две недели е стабилен и бројот на активни“, напиша Филипче.
По појавата на вториот силен бран на коронавирусот наш највисок приоритет беше и останува да го заштитме здравствениот систем, да не ги оптеретиме болничките капацитети, а секој хоспитализиран пациент да ја добие потребната нега и грижа, вели понатаму министерот и апелира да ги почитуваме мерките – маска, дистанца и редовна хигиена и дезинфекција на рацете.
„Овие универзални мерки се единственото оружје во борбата со коронавирусот“, завршува тој.