Една од најголемите игри за автомобилски симулации во светот доаѓа наскоро на пазарот, а PlayStation Studios објави gameplay трејлер што открива што гејмерите можат да очекуваат.
Со нетрпение очекуваната игра „Gran Turismo 7: Daytona International Speedway“ пристигнува на конзолите на Sony PlayStation 4 и PlayStation 5 на 4 март, а сега е објавен gameplay трејлер на официјалниот канал на PlayStation на YouTube кој носи барем малку искуство во играњето на новата игрица.
Познато е дека GT7 го враќа класичниот GT Simulation Mode, кој веројатно ќе ги врзе гејмерите за конзолата, а со тоа и ќе му зададе удар на општествениот живот, но јасно е дека љубителите на популарната франшиза едвај чекаат да поминуваат часови подесувајќи ги своите автомобили за трки.
Дополнително, достапни ќе бидат и режимите Campaign, Arcadе и Driving School, а од Sony велат дека на гејмерите ќе им бидат достапни 420 автомобили.
Временските услови ќе бидат динамични и ќе се вози на повеќе од 90 патеки вклучувајќи ги и класичните патеки од историјата на GT.
