После многу шпекулации, Гарет Бејл конечно заминува од Реал Мадрид, откако обезбеди тригодишен договор со кинескиот Ѓијангсу Сунинг.
Угледниот весник Marca на насловната страна напиша дека на Бејл му се бројат последните часови, и дека напаѓачот од Велс ќе потпише за кинескиот клуб за неверојатна плата од 1,1 милиони евра неделно.
Тоа значи дека Бејл би заработувал неверојатни 57,7 милиони евра годишно, покрај заработката од потпишувањето на договорот, што се проценува на 22,2 милиони евра.
Иако неделната плата на Бејл ќе биде меѓу највисоките на светско ниво, сепак не е блиску до она што го заработува Лионел Меси. Капитенот на Барселона и според многумина, најдобриот фудбалер на светот, според пресметките на Football Leaks, а објавено од Der Spiegel во 2018 година, заработува годишна фиксна плата од 71.053.846 евра.
