Со освојувањето на Вимблдон, Новак Ѓоковиќ е сè поблиску до тоа да биде GOAT(greatest of all time).
Сепак, некои луѓе и понатаму сметаат дека најдобар е Роџер Федерер.
Ова мислење го дели и францускиот тенисер Ришар Гаске на кого убавиот тенис му е поважен од статистиката.
„Јас го гледам тенисот на поинаков начин од другите. Според мене, не е важен бројот на Грен слемови кога станува збор за најдобриот играч на сите времиња. Не ги гледам само бројките туку и естетиката, техниката и она што еден тенисер го прави на теренот“, вели Гаске.
За мене Федерер е незаменлив. Тој е најдобриот играч на сите времиња. Точно е дека Новак е подобар играч во поглед на статистиката и кондицијата.
„Не ги сакам луѓето коишто го поддржуваат само Федерер или само Ѓоковиќ. Многу луѓе го сакаат Федерер, а Ѓоковиќ воопшто не го сакаат и обратно. Тоа не е случај со мене. Роџер е најдобар, а Ѓоковиќ ми се допаѓа. Нема сомнеж дека Роџер, Рафа и Новак е најдобри во историјата“, заклучи тој.
Читајте следно: Кој е GOAT во сите важни спортови?
