Георгина Родригес, девојката на португалскиот напаѓач Кристијано Роналдо, му даде поддршка откако тој се најде на клупата за резерви во текот на мечот меѓу Португалија и Швајцарија.
– Честитки за Португалија. Колку е штета што не можев да уживам во играта на најдобриот играч цели 90 минути. Фановите не престанаа да го скандираат твоето име. Се надевам дека Бог и нашиот драг пријател Фернанду Сантуш ќе направат да се чувствуваме горди уште една вечер, напиша Георгина на социјалните мрежи.
На трибините се појави во елегантно издание, во друштво на асистенти кои постојано ја фотографираа за Instagram. Беше и доста накитена, со алки, обетки и ѓердан. Еден од асистентите носеше со него и мини рефлектор за да добие совршено светло за фотографиите.
Во почетниот состав, место Роналдо се најде Гонсалу Рамуш, кој постигна хет-трик и асистираше. Португалија победи со резултат од 6:1.
Португалија во четвртфиналето ќе се сретне со репрезентацијата на Мароко, која претходно ја елиминира Шпанија. Натпреварот ќе се одигра на 10 декември.
