Германската фудбалска репрезентација најверојатно нема да учествува во квалификациите за ЕУРО 2024 година.
Германците како домаќини на континенталниот турнир нема да ја прифатат улогата на „гостин“ и ќе одиграат пријателски натпревари во квалификацискиот период.
Така, Германија нема да го искористи правото за настап во една од квалификациските групи и покрај тоа што веќе го обезбеди своето место на завршниот турнир како организатор.
На пример, Франција го искористи тоа право за Европското првенство во 2016 година, исто како и Катар за Светското првенство во 2022 година.
„Како домаќини веќе се квалификувавме. Ова ни дава поголема флексибилност кога правиме планови за следната година за да можеме да се подготвиме против силни тимови“, изјави директорот на германската репрезентација Оливер Биерхоф.
Германија се надеваше дека како добра подготовка може да го има завршниот турнир од Лигата на нации во јуни следната година, но не успеа да ја помине „групата на смртта“.
Жрепката за квалификациите е закажана за 9 октомври во Франкфурт, а одредени ограничувања ќе има при извлекувањето на топчињата.