Германскиот селектор Ханси Флик синоќа ги почна подготовките за октомвриските квалификации, а на располагање има тим кој влева страв и трепет. Недостасува единствено Ѓундоан.
Германија е убедлив лидер во квалификациската група Ј за пласман на Мундијалот 2022 во Катар откако освен шокантниот пораз токму од нас во март успеа сите останати натпревари да ги добие. Иако е јасно дека Германците ќе играат на Мундијалот, сепак месецов треба и математички да го заверат пласманот, а за таа цел ги имаат натпреварите против Романија и Македонија.
Селекторот Ханси Флик, кој седна на клупата по ЕУРО 2020 менувајќи го долговечниот Јоахим Лев, стартуваше одлично со три победи без примен гол (Лихтенштајн 2:0, Ерменија 6:0 и Исланд 4:0).
За сегашните два натпревара нема речиси никакви проблеми со составот, освен повредениот Илкај Ѓундоан од Манчестер Сити, додека одлуката да не биде повикан левиот бек Робин Гозенс од Аталанта е лично негов избор. Нови играчи, кои не беа во тимот минатиот месец, односно повратници, се голманот Тер Штеген и левиот бек Гинтер. Токму Тер Штеген бранеше во март кога со головите на Пандев и Елмас Македонија славеше победа.
Од сите 23 играчи единствено стоперот Шлотербек нема настап и се надева на деби.
Голмани:
Мануел Нојер - Баерн
Берн Лено - Арсенал (Англија)
Мак-Андре тер Штеген - Барселона (Шпанија)
Одбрана:
Антонио Ридигер - Челси (Англија)
Давид Раум - Хофенхајм
Тило Керер - ПСЖ (Франција)
Нико Шлотербек - Фрајбург
Никлас Зиле - Баерн
Лукас Клостерман - Лајпциг
Матиас Гинтер - Борусија Мен.
Средина:
Јосуа Кимих - Баерн
Каи Хаверц - Челси (Англија)
Леон Горецка - Баерн
Флориан Вирц - Баер
Џамал Мусиала - Баерн
Флориан Нојхаус - Борусија Мен.
Јонас Хофман - Борусија Мен.
Томас Милер - Баерн
Марко Ројс - Борусија Дор.
Напад:
Тимо Вернер - Челси (Англија)
Серж Гнабри - Баерн
Карим Адејеми - Салцбург (Австрија)
Лирој Сане - Баерн
Натпреварот Македонија - Германија се игра на националниот празник 11-ти Октомври на „Тоше Проески“ арената во Скопје со почеток од 20:45 часот. Билетите се веќе во продажба.
И македонската репрезентација од синоќа ги почна подготовките.
