Масивниот глечер, кој се смета за клучен за покачувањето на површината на глобалното море, може да се стопи дури и за пет години, предупредуваат научниците.
Глечерот наречен Твејтс, но и кој многумина го нарекуваат Судниот ден, се наоѓа во западниот дел на Антарктик и има големина од 120.000 квадратни километри, што е грубо кажано колку Флорида. Поради неговиот потенцијал значително да го подигне нивото на светските води доколку се стопи, го доби прекарот глечер Судниот ден.
Тим американски научници за време на состанот на Американското геофизичко друштво неделава објави дека нови пукнатини се формираат на неговата источна страна, која поткрепува една третина од глечерот. Сантата мраз, кој делува како брана забавувајќи го протекот на мраз од континентот во океанот, се чини дека ја губи својата моќ поради сѐ потоплата вода која навлегува под глечерот, објаснуваат научниците, читајќи од сателитски снимки.
„Доколку овие плевечки санти мраз се одвојат, глечерот Твејтс ќе забрза, а неговиот придонес кон зголемувањто на морската површина ќе се зголеми и до 25%“, пишува научниот тим, додавајќи дека сантата може да се одвои и за само пет години.
Според истражувањето, еден од глечерите кои најбрзо се топат на Антарктик допринесува со 4% од глобалното годишно зголемување на светскиот океан денес, додека пукнатините се зголемувата во централниот дел на сантата со брзина и до 2 километра на годишно ниво.
„Претстојат големи промени за глечерот, веројатно за полаку од една деценија. Сите објавени и необјавени студии посочувата кон таа насока“, вели за BBC професорот по геологија Тед Скамбос, кој е водечки американски координатор при Меѓународната соработна за глечерот Твејтс.