Ѓоковиќ поради ставот за вакцините може да изгуби многу пари

Новак Ѓоковиќ најави дека веројатно нема да се вакцинира, дури ни по цена на трофеите од Грен слемовите. Но, тоа би можело да има големо влијание на спонзорските договори.

Во ексклузивен разговор за BBC, тенисерот порача дека не треба да го поврзуваат со антиваксерско движење, бидејќи не е антиваксер, туку го поддржува правото на секој поединец за избор на вакцинација.

Ѓоковиќ порача дека принципите за носење одлуки за сопственото тело се поважни од која било титула или што било друго, дека е подготвен да ја плати цената за учество на Грен слемовите.

Сепак, Новак своите идеали можеби ќе ги плати со многу висока цена, според пишувањето на Expansión, компанијата Lacoste разгледува раскинување на договорот со тенисерот.

Brand Finance, водечка независна компанија која се занимава со процена на вредносни брендови, уверува дека раскинувањето со Lacoste би значело губење од 54.5 милиони евра за Ѓоковиќ.