Голден Стејт објави дека најдобриот клупски стрелец Стеф Кари ќе го пропушти остатокот од регуларниот дел од сезоната поради истегнување на лигаментите на левото стапало. Сепак, тој би можел да биде подготвен за плејофот.
Кари се повреди на 16 март во дуелот против Бостон по контакт со Маркус Смарт, и веќе ги пропушти последните седум натпревари на Голден Стејт.
Во клупското соопштение се додава дека рехабилитацијата на Кари „добро напредува“.
– Се надевавме дека Стеф ќе може да одигра барем еден или два натпревари во регуларниот дел, но не испадна така. Меѓутоа, не сум загрижен за него, доволен му е еден шут да се врати во својот ритам, изјави тренерот на Голден Стејт, Стив Кер.
Кари сезонава во просек постигна по 25.5 поени по натпревар, со 6.3 асистенции и 5.2 скокови.