Следниот чекор е да се прошири постоечката класификација за да може да се категоризираат сите новооткриени типови на вируси.
Големото откритие, за кое е одговорен меѓународен тим експерти, бараше голем напор во обработката и проучувањето на 35.000 примероци вода земени ширум планетава.
Експертите вклучени во истражувањето објаснија дека науката проучувала само дел од илјадниците видови вируси кои можат да им наштетат на луѓето, растенијата и животните.
Наодите од големото истражување се објавени во списанието Science, и во него се заклучува дека новооткриените типови на вируси не можат сите да спаѓаат во петте постоечки делови (таксономски категории помеѓу царства и класи), туку бараат воведување на пет нови.
Илјадници откриени видови треба да се категоризираат во нови делови: Taraviricota, Pomiviricota, Paraxenoviricota, Wamoviricota и Arctiviricota.
Повеќето нови типови на вируси ќе бидат ставени во делот Taraviricota.
