Google ќе ја заостри својата политика во врска со неактивните Gmail профили оваа година.
Оние кои сакаат да го задржат својот профил на Gmail ќе мора да се логираат барем еднаш на секои 24 месеци бидејќи Google објави нова политика за неактивни профили.
Според „старите правила“ од 2020 година, кога беше укинат бесконечниот простор за Google Photos, Google ги бришеше податоците зачувани на профилите доколку корисникот не се логирал две години, но од оваа година таквите профили ќе бидат целосно избришани.
Новото правило стапува на сила најрано во декември оваа година, па оние кои сакаат да го задржат својот Gmail профил треба да се логираат. Google тврди дека отстранетите адреси на Gmail повеќе нема да бидат достапни, како за нивните оригинални корисници, така и за други.
Активноста на профилот на Gmail се однесува на читање или испраќање е-пораки, користење на Google Drive, гледање YouTube, преземање апликации од Google Play Store, користење на Google Search или користење на профилот за најавување на апликации или услуги од трети страни.
Сепак, овие активности не покриваат вообичаени употреби на профилите на Google, како што е создавање псевдоними кои препраќаат е-пошта до примарна адреса, и не е јасно дали таквите профили ќе бидат отстранети. Google споменува дека одржувањето претплата на нешто како Google One е еден начин на активност, но тоа не е нешто што го правите со алтернативен профил.
Кога новите правила ќе стапат на сила, компанијата ќе започне да ги брише профилите кои не биле „допрени“ во ниту еден момент по креирањето, а исто така има намера да испрати повеќе известувања на адресата и алтернативна е-пошта во период од неколку месеци пред конечното бришење.