Јавното претпријатие „Градски паркинг“ - Скопје ги информира граќаните дека по промнената на старите со нови регистарски таблички ќе треба да извршат ажурирање ан своите податоци за да можат да ги користат паркинг-услугите на претпријатието.
„ЈП 'Градски паркинг' - Скопје апелира до сите физички и правни лица, кои имаат склучено договор за користење паркинг-услуга на јавните паркиралишта, зони и катни гаражи со кои стопанисува претпријатието, дека по регистрацијата на своите возила, имајќи го предвид законското решение за промена на регистарските таблички, таа промена веднаш да ја пријават кај службите во канцелариите за односи со корисници во Центар, Аеродром или Илинден, со цел да се внесат новите податоци во системот на претпријатието“, стои во соопштението.
Ажурирањето на податоците се врши со пополнување на образецот „пријава-одјава“, при што се доставува и сообраќајната од возилото на увид, а со самото ажурирање на податоците новата регистарска табличка на сопствениците ќе биде соодветно внесена во системот за зонско паркирање и системот за затворени паркиралишта, со што ќе се избегне непотребна санкција од страна на контролните служби при паркирање.
