Експерти од областа на здравата исхрана предупредуваат дека со медот, кој се смета за здрава намирница, никако не треба да претерувате. Според нивното мислење, младите луѓе не треба да земаат повеќе од две до три лажички мед дневно, а луѓето кои страдаат од одредени болести не повеќе од една лажица во текот на денот.
Луѓето со претерана тежина и оние со дијабетес и хипертензија треба да бидат внимателни со внесувањето мед.
Нутриционистите исто така предупредуваат дека секој може да биде алергичен на мед, без разлика на возраста. Оваа намирница содржи киселини, состојки кои можат да го иритираат желудникот па прекумерната консумација на мед може да предизвика гастритис, па дури и чир.
Постојат и други грешки кои некои ги прават, така на пример кога подготвуваат чај. Ако медот се додаде во зовриена вода тој ги губи корисните својства и произведува отров. Ако подготвувате чај, никако немојте да ставате мед, туку додадете го кога чајот ќе се олади или кога е малку топол. Температурата на водата не би требало да надминува 40 степени Целзиусови.
„Не смеете да пиете мед со врела вода. Медот произведува диоксометил во врела вода, а тоа е отров. Медот треба да се разреди со вода на температура не поголема од 40 степени, односно умерено топла“, објаснува рускиот пчелар Даури Тугуш.