При удар од гром во индискиот град Џаипур починаа најмалку 11 луѓе, а повеќе се повредени.
Жртвите правеле селфи на дожд на врвот на кула во тврдината Амер која датира од 12 век и важи за популарна туристичка атракција.
Околу 27 луѓе биле на кулата и на ѕидините на тврдината кога се случил ударот од гром, некои од луѓето наводно скокнале на земја. Од удари на гром во просек умираат 2.000 Индијци годишно.
Полициски службеник пред медиумите изјави дека кулата е популарно место, додавајќи дека повеќето луѓе биле млади.
Само во неделата се забележани уште девет смртни случаи од удар на гром во државата Раџастан во која се наоѓа Џаипур, пренесуваат локалните медиуми.
Министерот Ашок Гелот најави по 6.700 долари надомест за семејствата на загинатите. Сезоната на монсунски дождови во Индија трае од јуни до септември.
