Актерката Гвинет Палтроу доби отштета од 1 долар откако поротата утврди дека пензионираниот лекар Тери Сандерсон „100 проценти“ е виновен во несреќата што се случи во скијачко одморалиште.
Палтроу го доби случајот на суд против мажот кој тврдеше дека удрила во него додека скијал.
Ѝ беше доделена отштета од 1 долар откако поротата утврди дека пензионираниот лекар Тери Сандерсон „100 проценти“ е виновен за несреќата на скијање.
Поротата во четвртокот расправаше два часа откако осум дена ги слушаше доказите за случајот.
Во изјавата по пресудата, актерката рече дека е задоволна од исходот.
Откако судот ја прогласи за невина, актерката му шепна на Сандерсон: „Сè најдобро“.
На социјалните мрежи се коментираше многу за случајот, поточно за однесувањето на Палтроу за време на судењето. Многумина ја обвинија актерката дека го искористила публицитетот за да парадира во скапа облека како „типична бела безобразно богата жена“, други ја квалификуваа како „сноб со вишок слободно време“ и дека целото судење било само „трошење време и пари на даночните обврзници“ додека таа се забавува, додека трети се пошегуваа дека овие „настапи“ биле „нејзината најдобра улога досега“.
Одговорите на Палтроу пред судот беа пародија сами по себе, вклучувајќи ја изјавата дека „изгубила пола ден скијање поради инцидентот“.