На пазарот на половни автомобили побарувачката никогаш не била поголема, а понудата поскромна, што доведе до драстично зголемување на цените, но и до сè почести измами.
Во потрага по дополнителна заработка ќе згрешат и Германците. Така барем велат резултатите од истражувањето спроведено од платформите за купување автомобили Heycar и YouGov на 2.300 испитаници. Резултатите покажаа дека речиси секој четврти приватен возач во Германија (23 отсто) мамел кога го продавал своето половно возило за да добие повисока цена за својот автомобил.
Најчест „грев“ било козметичкото отстранување на гребнатинки (12 отсто), додека во 6 отсто од случаите бил прикриен чадот од цигарите.
Од друга страна, околу три четвртини (74 отсто) од анкетираните изјавиле дека никогаш не биле измамени, а 39 отсто од купувачите на половни автомобили биле убедени дека биле измамени кога купувале половно возило. Дури 17 отсто се изјасниле дека штетата не била искрено пријавена, а осум отсто се сигурни дека километражата на нивниот автомобил е лажирана.
Кога станува збор за фалсификување на километражата, ситуацијата е можеби уште полоша. Имено, според истражувањето на платформата CarVertical преку 700.000 извештаи во 18 европски земји, утврдено е дека на 16,1% од тестираните возила им е вратена километражата во текот на 12 месеци. BMW M5 е автомобилот со најчесто вратена километража, со нешто повеќе од една третина од тестираните модели за кои постои опција за враќање на километражата.
