Репрезентација на Словачка се пласираше на Европското првенство од групата Ј, а тоа стана јасно откако синоќа на домашен терен го совлада Исланд со 4:2.
Иако гостите поведоа со голот на Ори Оскарсон во 17. минута, Словаците до крајот на полувремето направија пресврт. Најпрво Јурај Куцка израмни во 30. минута, а само шест минути подоцна Ондреј Дуда од пенал погоди за 2:1.
Триумфот на Словаците го потврди Лукаш Хараслин со головите во 47. и 55. минута, додека конечните 4:2 ги постави Андри Гудјонсен во самиот финиш на натпреварот.
Луксембург ја среди Босна и Херцеговина триумфирајќи со 4:1, но остана разчаран поради резултатот од Братислава. Луксембуржаните поведоа уште во 6. минута преку Матиас Олсен, а во 30. минута Жерсон Родригеш го дуплираше водството од белата точка. Нихад Мујакиќ си постигна автогол во 55. минута зголемувајќи на 3:0, а последните два гола дојдоа во надополнувањето. Прво во 3. минута Ренато Гојковиќ намали на 3:1, а две минути подоцна Родригеш со својот втор гол ги постави конечните 4:1.
На Луксембуржаните им беше потребен кикс на Словачка за да останат во игра за пласман и се надеваа дека Исланд ќе одигра за нив. Тоа не се случи, но сепак Луксембург го забележа најдобриот пласмна во историјата бидејчи на коло до крајот го завери третото место на табелата, зад Португалија и Словачка.
Во исто време играа Лихтенштајн и Португалија, а Португалците победија со 2:0 со головите на Кристијано Роналдо во 46. минута и Жуау Канселу во 57. минута, со што го задржаа максималниот учинок со 9 победи.
Табела:
