Многумина сметаат дека по интензивни тренинзи може да јадете се и дека тоа нема да влијае негативно по здравјето и изгледот. Дали е навистина така открива руската докторка Елена Игнатикова.
„Нашиот организам троши енергија на сметка на гликогени, односно резерва на јаглени хидрати во мускулите. Во текот на тренингот, телото ја троши енергијата во мускулите, па мора и да се надомести. Така што, внесувањето јаглехидрати во рок од еден час од тренингот е оправдано. Во случај да гладувате по бавење со спорт, синтезата на гликогени ќе забави и мускулите нема во целост да закрепнат“, објасни докторката во интервју за Спутник.
Таа советува по тренинг да се јаде умерено. Тоа не значи дека тој период е безбеден и дека може да јадете мрсна и слатка храна. Најдобро е да испиете шолја млеко, да изедете банана или некои друго овошје. Апетитот по тренинг е секогаш поголем од тоа што ни е потребно за да ја надополниме енергијата. Ситуацијата може да биде и обратна, ќе тренираме, ќе јадеме повеќе и ќе добиеме на тежина, вели докторката.
„Во текот на денот може да внесеме јаглехидрати во вид на бонбони, колачиња или сладолед во количина до 50 грама. За мажите тоа е до девет лажички шеќер, а за жените шест лажички. Ако еднаш месечно изедете чоколадо по тренинг, тоа може да се толерира, но ако секојдневно јадете по половина, тоа нема да имате никаква корист, туку само штета“, вели руската докторка.