В неодоливиот вкус на потпечената паста со кашкавал и сланинна вметнете кељ кој изобилува со здрави состојки.
Вака подготвените макарони имаат богат сос од кашкавал и се попрскани со парчиња сланина. Овде кељот дава совршен додаток на вкусот, додека сланината ја надополнува текстурата. Сланината можете претходно да ја испечете или да ставите свежи парчиња, зависи од вашата желба.
- 200 гр кељ
- 60 мл јаболков оцет
- 40 мл вода
- 1 лажица шеќер
- сланина
- 30 гр презла
- 50 гр несолен путер
- 50 гр брашно
- 400 мл полномасно млеко
- 50 гр пармезан
- 200 гр кашкавал
- 1 лажичка сенф
- 200 гр макарони
- бибер
- сол
Извадете ги листовите кељ од стеблата и грубо исечкајте ги. Стебленцата ситно исечкајте ги и ставете ги во мала тава со оцет, вода и шеќер. Нека зовријат, па оставете да се изладат.
Во меѓувреме, загрејте ја рерната на висока температура, а потоа печете ја сланината додека не стане целосно крцкава. Исцедете ја на хартиена крпа, па кога ќе се олади, ситно исечкајте ја. Презлата измешајте ја со многу црн пипер.
Наполнете мало тенџере со врела вода, додадете исечкани листови кељ и варете на силен оган 3-4 минути. Исцедете и оставете на страна.
Растопете го путерот во тенџере на средна температура, додадете го брашното и варете 1 минута, а потоа нежно изматете го млекото додека не добиете мазен сос. Измешајте ги пармезанот и кашкавалот (крупно рендан), оставајќи една голема шака на страна за посипување. Мешајте додека не се растопат и целосно се соединат, а потоа вмешајте го и сенфот. Префрлете во блендер со листовите кељ и измешајте во мазен, темно зелен сос. Вкусете и зачинете со сол.
Загрејте ја рерната на 170°C и ставете го сад со вода да зоврие. Сварете ги макароните (може да користите и друг вид на паста, на пр. фузили) во водата 6-8 минути. Исцедете ги и измешајте ги во зелениот сос, а потоа процедете ги киселите стебла и додадете две третини во тестенините и сосот. Префрлете ги макароните во сад за рерна и посипете ги со марченца сланина, преостанатите стебленца сварени со оцет и шаката кашкавали. Печете 15-20 минути додека не порумени.
Послужете и уживајте во макароните со кашкавал, кељ и сланина!
