Бобан Илиоски обезбеди бронзен медал на Светското првенство во кикбокс, во Албуфеира, Португалија. На Мундијалот учествуваат 1.429 натпреварувачи од 77 држави.
Бобан Илиоски за место во полуфиналето, во категоријата до 86 килограми, лоу кик, го совлада Алберт Угринчиќ од Босна и Херцеговина со 3:0.
За пласман во големото финале Илиоски ќе ги одмери силите со Елјан Алкишијев од Азербејџан, кој со 2:1 славеше во борбата со Бразилецот Евертон Роша џи Карваљу.
„Боби многу паметно се бореше, не се впушташе во непотребни ризични акции. Слушаше од агол сѐ што му се кажуваше и во целост го применуваше тоа. Имаше постојана доминација над противникот и борбата ја држеше под контрола сите три рунди. Нема повреди, со Господ напред одиме понатаму до злато“, изјави селекторот Дејан Митровски-Урко.