Во Формула 1 одамна нема билиди со брутален звук од моторите што беше карактеристично за овој спорт, но легендарната патека „Имола“ доби казна поради еден прегласен V8 мотор.
Станува збор за болидот на Ред Бул Рејсинг со ознака RB9 од 2013 година, кој претходно Германецот Себастијан Фетел го возеше до неговата четврта и последна шампионска титула во кариерата.
Раководството на „Имола“ дозволи користење на овој автомобил во октомври, но сега им стигна казна за „прекумерна бучава“.
„На 12 октомври Ред Бул се појави со болид постар од сегашниот, па границите беа надминати. Болидот на патеката мина само неколку круга, а овој инцидент на Ред Бул бешпе единстев кој направи бучава минатата година. Дотогаш секогаш бевме во границите и покрај бројните активности на патеката“, изјави претставничката на патеката „Имола“, Елана Пенаци.
Она што е интересно е фактот дека „Имола“ со години е во календарот на Формула 1, а никогаш немаше добиено казна.
Иако се работи за симболична казна од 500 евра, сепак потсетува на разликата во гласноста меѓу старите и новите автомобили. Додека автомобилите од хибридната ера се гласни, оние со мотори V8, V10 и V12 се нешто сосема друго, што ги принудува гледачите да користат тампони за уши.
Модерните автомобили се потивки поради неколку причини. Благодарение на нивните турбополначи, моторите обезбедуваат максимална моќност од 11.000 до 12.000 вртежи во минута, додека постарите мотори „вртеа“ и до 20.000 вртежи во минута.
Турбополначот исто така го пригушува звукот, поради што модерните автомобили се потивки од старите со релативно едноставни издувни системи.
На спорниот ден Ред Бул Рејсинг снимаше видео за промотивни цели, а болидот го возеа актуелниот Ф1 шампион Макс Верстапен и поранешниот возач на оваа екипа, Дејвид Култхард.