Макс Верстапен ја забележа четвртата победа во петтата трка оваа сезона во шампионатот на Формула 1. Актуелниот светски првак ја освои Големата награда на Кина на патеката во Шангај. Покрај Холанѓанецот, на пудиумот завршија Ландо Норис од Мекларен и Серхио Перес.
Верстапен, рутински дојде до 58. победа во кариерата и покрај тоа што возилото за безбедност двапати излегуваше на патеката. Тоа предизвика различни стратегии кај тимовите, а најдобро го искористи Норис кој спречи очекувана еден-два победа на Ред Бул.
Покрај најдобрите тројца, бодови во Кина освоија двајцата возачи на Ферари, Шарл Леклер и Карлос Саинс, Џорџ Расел (Мерцедес), Фернандо Алонсо (Астон Мартин), Оскар Пјастри (Мекларен), Луис Хамилтон (Мерцедес) и Нико Хулкенберг (Хас).
Ф1 сега се сели во САД, каде на програмата е трката во Мајами.
