Една од најпрепознатливите икони, онаа на Instagram доживеа големи промени и сега има сосема нов дизајн. Мрежата за споделување на фотографии која е во сопственост на Facebook вчера го претстави новиот дизајн кој сега е поминималистички, а иконата за апликацијата доби повеќе бои.
Корисниците не се воодушевени од новиот изглед, а сличен редизајн добија и другите апликации на мрежата - Layout, Hyperlapse и Boomerang.
Според Јан Сплатер кој главен за дизајнот на Instagram, измената била направена за да биде поблиска до естетиката на корисниците на апликацијата. Тој тврди дека старото лого престанало да биде одраз на заедницата на мрежата и решиле да го направат подобро.
Освен логото, редизајн претрпе и целата апликација која сега има минималистички дизајн со црна и бела боја, а изменети се и иконите за навигација. Според компанијата, ваквиот изглед става акцент на она што го објавуваат корисниците, а не на апликацијата, пишува Mashable.
Реакциите на интернет заедницата не се позитивни, а многумина сметаат дека изборот на боите е премногу аматерски.
Does instagram realize they shouldn't fix something that's not broken?
— Kevin Droniak (@kevindroniak) May 11, 2016