Во последниот извештај на Институтот за проучување на војната (ISW) не се наведува дека рускиот претседател Владимир Путин вината за неуспехот на инвазијата на Украина ќе ја префрли на министерот за одбрана Сергеј Шојгу, поради проблемите со мобилизацијата.
Растечките критики за „делумната мобилизација“ што Путин неодамна ја наметна како дел од воената стратегија за постигнување цели во Украина, најверојатно, ќе го принуди рускиот претседател да го стави министерот за одбрана во улога на жртвено јагне .
Со декрет од 5 октомври, рускиот претседател ја одложи мобилизацијата за сите студенти, вклучително и оние на магистерски и докторски студии. Одложување на мобилизацијата важи за редовните и вонредните студенти на државните акредитирани универзитети, факултети и научни организации, како и во иновативни научни и технолошки центри и во духовни и образовни организации. Путин истакна дека со новата регулатива опфатени се и студентите на акредитираните приватни универзитети. Ослободени се и лекарите на специјализација.
Путин за руските медиуми изјави дека се решил на ваков чекор бидејќи:
„Министерството за одбрана не направи навремени измени на законската рамка за списокот на оние кои не се предмет на мобилизација, затоа мора да се направат одредени прилагодувања на националната законска рамка.“
Имплицитната критика на Шојгу има за цел да го означи како директен виновник за неуспехот на инвазијата на Украина.
ISW, исто така, во извештајот наведува дека одговорот на Путин на сè пожестоките критики за неговиот неуспех во Украина ќе биде да им пристапи на „радикалните елементи“ на политичката база што го поддржува, вклучително и чеченскиот лидер Рамзан Кадиров.
„Најавата на Кадир дека Путин му го доделил чинот генерал-полковник е индикативна бидејќи Путин е подготвен да ја смири базата која почна жестоко да ја критикува позицијата на Министерството за одбрана“, сметаат аналитичарите на ISW.