Лука Ромеро, 16-годишниот играч за врска на Мајорка, е близу до промена на клубот. Италијанските гиганти Јувентус, Интер и Милан го посакуваат младиот фудбалер.
Ромеро стана најмладиот играч во историјата што одиграл натпревар во Ла Лига минатата сезона, на возраст од 15 години, седум месеци и шест дена. Во своето деби од соништата против Реал Мадрид, Ромеро влезе во игра во 84-та минута наместо Идрис Бабе. Со 15 години и 230 дена, Ромеро го собори рекордот пред него, стар повеќе од 80 години, што го постави Франциско Бао Родригес Сансон, кој дебитираше во Ла Лига во дресот на Селта Виго на 31 декември 1939 година, на 15 години и 255 дена.
Мексиканецот оваа сезона одигра два натпревари на Купот на кралот, собирајќи 110 минути игра.
„Тој е левак, брз е, паметен, разигран, конкурентен. Тоа е прототип на аргентинската топ десетка. Го забележавме кога имаше 12 години, но не сакавме да го туркаме прерано затоа што треба да се грижиме за него“, рече неодамна помошникот тренер на Мајорка, Дани Пендин.
„Го гледавме како игра, тој правеше неверојатни работи со топката за неговата возраст, но физички не порасна во целост и можеше да има проблеми ако почнеше да игра со прволигаши предвреме. Денес кога го гледаме, кога му ги гледаме нозете, телото, гледаме дека почна да се формира. И фактот дека татко му е фудбалер многу му помага“, додаде Пендин.
Ромеро е роден на 18 ноември 2004 година во Дуранго, Мексико и има три националности – мексиканска, аргентинска и шпанска. Мексиканско има бидејќи татко му беше професионален фудбалер во Мексико, аргентинското е наследство од родителите и шпанско бидејќи стигна во Шпанија уште во 2007 година. Одигра еден натпревар со аргентинската младинска репрезентација до 17 години.
