По неколку децении тензии, па дури и меѓусебни конфликти, Иран и Саудиска Арабија конечно склучија пакт и ги обновија своите дипломатски односи, што ќе биде од корист за двете страни.
Претставниците на Саудиска Арабија изразија желба нивниот регион да биде стабилен и способен да се грижи за својот народ, објасни на конференцијата саудискиот министер за финансии Ал Џадаан.
„Иран нуди бројни можности, а ние исто така ги нудиме, сѐ додека постои добра волја. Иран е наш прв сосед, беше и ќе остане стотици години. Затоа не гледам никакво прашање што би ја спречило нормализацијата на односите, вкрстени инвестиции и сѐ останато. Сѐ додека се држиме до договорот, не гледам никакви пречки меѓу нас“, изјави саудискиот министер.
Иранската економија веќе извесно време е под силен притисок поради меѓународните санкции и може да има голема корист од моќните саудиски инвестиции.
Секретарот на Врховниот совет за национална безбедност на Иран, Али Шамхани, утре ќе замине во Обединетите Арапски Емирати на разговори, со цел да се финализираат деталите од договорот.
За помирувањето помеѓу Саудиска Арабија и Иран посредуваше Кина.
