Рафаел Леао го однесе Милан во полуфиналето на Лигата на шампионите, прво за славниот италијански клуб по 16 години.
Тој имаше асистенции во двата четвртфинални натпревари против Наполи, а особено впечатлив беше оној синоќешниот кога ја извлече топката од својата половина, нанижа неколку ривалски играчи и го „пронајде“ осамениот Оливје Жиру.
„Спектакуларен“, „Чудесен“, „Недопирлив“, „Португалски херој“, се коментарите на италијанските медиуми за играта на 23-годишниот офанзивец, кој беше пофален и од легендарниот тренер Фабио Капело.
„Тој Леао е нереален фудбалер. Кога ќе почне да трча, невозможно е да го запрете. Тој прави голема разлика на теренот и ако немате брз играч, тешко дека можете да одговорите на неговиот фудбал", изјави Капело и го коментираше пробивањето на Милан.
„Ова е голема работа, никој не веруваше дека Милан може да стигне олку далеку. Погодокот кој падна на крајот од натпреварот беше резултат на опуштање, претпоставувам дека сите веќе сметаа дека натпреварот е завршен. Убаво е да се види колку играчите се борат“, додаде тој.
Милан во полуфиналето ќе игра против Интер или Бенфика. Во првиот натпревар од четврт-финалето Интер победи со 2:0 во Португалија.