Лука Дончиќ брзо заборави на страшната игра пред два дена, па ноќеска блесна и му донесе на Далас Маверикс израмнување во партии против Оклахома Сити Тандер.
Откако шутираше 1/8 тројки на првиот дуел кој Далас го загуби со 117:95 и постигна „само“ 19 поени, ссега Дончиќ беше на своето ниво и тоа веднаш се одрази на резултатот.
Далас победи на гостински терен со 119:110, а Дончиќ постигна 29 поени со дури 5 тројки, а на тој учинок додаде и 10 скока и 7 асистенции.
И покрај тоа што Кајри Ирвинг не беше на своето ниво (9 поени, 11 асистенции), ПиЏеј Вошингтон му пружи голема помош на Дончиќ со дабл-дабл од 29 поени и 11 скока.
На другата страна единствен расположен за игра беше Шеј Гилџс-Александер со дабл-дабл од 33 поени, 12 скока и 8 асистенции.
Синоќа се одигра уште еден натпревар во кој Кливленд Кавалирс направи изненадување и го победи Бостон Селтикс на гостински терен со 118:94 и израмни на 1-1 во партии.
Донован Мичел го предводеше Кливленд со 29 поени, 7 скока и 8 асистенции, а Џејсон Тејтум го предводеше Бостон со 25 поени, 7 скока и 6 асистенции.
