И покрај тоа што Италија имаше претставник во секое финале на европските натпреварувања, тие нема да можат да се пофалат со нов трофеј на УЕФА.
Да се потсетиме, прво во финалето на Лига Европа Рома беше поразена од Севиља по изведување пенали, но треба да се спомене дека избраниците на Жозе Мурињо беа на некој начин оштетени со оглед на тоа што не им беше досуден пенал кога топката удри во раката на дефанзивецот на Севиља.
Потоа, во финалето на Конференциската лига, Фиорентина беше поразена од Вест Хем (1:2) со гол на Џерод Боуен во 90-тата минута. „Виола“ имаше свои шанси и се чинеше дека ќе го добиеме победникот преку продолженија, но Боуен ја искористи непромисленоста на противничката одбрана и погоди за големо славје.
И кога двата тима што имаа полесни задачи не успеаја да слават, следуваше најтешкиот предизвик за Италијанците - моментално најсилната екипа на Стариот континент - Манчестер Сити.
Трет претставник беше Интер, но и тој беше поразен. Манчестер Сити успеа да слави во финалето на Лигата на шампионите со 1:0 и да се искачи на европскиот трон. И покрај тоа што се очекуваше да биде многу полесно за „Граѓаните“, избраниците на Симоне Инѕаги пружија голем отпор и колку што можеа му отежнаа на противникот, сепак не успеаја да израмнат.