Германскиот тенисер Александар Зверев го победи шпанскиот тенисер Карлос Алкараз со 2:1 во сетови во првото коло од групата Б на завршниот Мастерс во Торино.
Шпанецот го доби првиот сет по тај брејкот, беше 7:3 во 13. гем за вториот играч на светот, по што следеше одличен пресврт на Германецот.
Зверев возврати во вториот сет решавајќи го во своја полза со резултат 6:3, по што продолжи третиот сет.
Таму Германецот направи брејк веќе во петтиот гем и го задржа до крајот и ја оствари првата победа на стартот на Мастерсот.
Во второто коло Зверев ќе ги одмери силите со Даниил Медведев, додека Алкараз ќе игра против Рубљев.
Карлос Алкараз (Шпанија) (2) - Александар Зверев (Германија) (6) 1:2 (7:6 (3), 3:6, 4:6)