Второто по ранг европско клупско натпреварување го доби изгледот на дванаесетте групи во кои има и по некој залутан гигант.
Возбудлив фудбал ветуваат пресметките на Лацио со Селтик, Арсенал со Ајнтрахт и Рома со Менхенгладбах.
Манчестер Јунајтед ќе гостува во соседството кај белградски Партизан во навидум лесната група во која се уште и казахстанска Астана и холадски АЗ.
Вулверхемптон, кој на европската сцена се појавува првпат по сезоната 1980/81 ќе шета до Истанбул, Брага и Братислава.
Унгарскиот претставник Ференцварош, каде настапува нашиот Стефан Спировски, за противници ги доби московска ЦСКА, бугарски Лудогорец и Еспањол.
Втор наш претставник е Стефан Ристовски кој со својот Спортинг ќе ги одмери силите со ПСВ, Розенборг и австриски ЛАСК.
Сезоната во Лига Европа почнува на 19 септември со натпреварите од првото коло.