Реал Мадрид би можел да се најде во големи проблеми со составот, откако Манчестер Јунајтед му даде интересна понуда на актуелниот европски шампион. Мурињо има голема желба да донесе барем еден играч од неговиот поранешен клуб и нема лесно да се откаже од идејата.
Според шпанските медиуми, Мурињо инсистира да добие едно од двете крила на Реал Мадрид, Герет Бејл или Марко Асенсио.
Тактичкиот пристап на Жозе Мурињо према овој трансфер е дека Реал Мадрид ќе мора да се откаже од едниот од двајцата крилни играчи, со оглед на тоа што и двајцата играат на истата позиција, а и двајцата сакаат првотимска улога во клубот.
Шпанскиот магазин Don Balon тврди дека интересот за Марко Асенсио е сепак поголем, бидејќи Мурињо е скептичен околу отпорноста на повреди на Герет Бејл. Покрај тоа, Асенсио има 21 година, а Бејл 28, што го прави Шпанецот подолгорочна опција за крилната позиција во Манчестер Јунајтед.
Се шпекулира дека цената на трансферот би можела да изнесува околу 80 милиони, без разлика дали се работи за Бејл или Асенсио.
Но, Зинедин Зидан вчера изјави дека не очекува засилувања во јануарскиот преоден рок, па затоа тешко е да се верува дека било кој од овие двајца играчи ќе биде продаден. Но, тука влегува и факторот на минутажата, која ја бараат двајцата играчи а само едниот може да ја добие. Поради тоа Реал Мадрид е ставен во тешка ситуација во која ќе се бори со времето до крајот на овој трансфер рок, кој завршува на последниот ден од јануари.