Бостон Селтикс ја победи Филаделфија 76ерс во четвртфиналниот од плеј-оф со 114:102 и поведе со 2-1 во серијата, додека Феникс Санс ја оствари првата победа против Денвер Нагетс и ја намали предноста на противникот на 2-1. Но, ноќта повторно ја одбележа сјајниот Никола Јокиќ.
Бостон до победата го предводеше Џејсон Тејтум, кој за нешто повеќе од 42 минути на теренот постигна 27 поени и додаде 10 скока и 5 асистенции, а го следеше Џејлен Браун со 23 поени. Во поразениот тим се истакна Жоел Ембиид, кој постигна 30 поени и имаше 13 скока и 3 асистенции, и всушност беше најефикасен на паркетот.
Иако Филаделфија победи на првиот натпревар, Бостон во следните два успеа да направи пресврт.
На вториот натпревар што се одигра ноќеска, Феникс Санс на домашен терен го победи Денвер Нагетс со 121:114, а до победата ги предводеше неверојатниот Девон Букер, кој постигна 47 поени со 6 скока и 9 асистенции, а исклучителен настап имаше и Кевин Дурент со своите 39 поени и 9 скока и 8 асистенции.
На Денвер не му помогна ниту одличниот Никола Јокиќ, кој за нешто помалку од 42 минути на теренот постигна 30 поени со 17 скокови и асистенции. Со оваа победа Феникс ја намали предноста на Денвер на 2-1.
Со овој учинок Јокиќ испиша историја на НБА и стана првиот играч кој постигнал повеќе од 25 поени во плеј-офот и додал учинок од по повеќе од 15 скока и асистенции.
Кај Денвер најефикасен беше Канаѓанецот Џамал Мареј со 32 поена, а дабл-дабл имаше Мајкл Портер (21поен и 12 скокови).
Вечерва од 21:30 часот по наше време се игра дуелот помеѓу Мајами Хит и Њујорк Никс, а тоа ќе биде трет дуел во оваа серија. Моменталниот резултат е 1-1.
