Селекторот на македонската кошаркарска репрезентација Александар Јончевски донесе одлука на кои играчи ќе смета за дуелот со Данска на гости во Нествед.
Својата шанса за настап кај сениорите ќе ја почека Марко Миловановиќ, а поради ситна повреда за дуелот со Данска отпадна Бобан Стајиќ.
Непосредно пред заминувањето за Данска, каде в четврток „Црвено-жолтите“ ги чека првиот натпревар од вториот круг на претквалификациите за ЕвроБаскетот 2025, Јончевски го дефинираше играчкиот ростер.
Поради недостаток на високи играчи, особено со откажувањето на Стајиќ, шанса за деби во сениорскиот национален тим ќе добие 2,06 високиот Димитар Пандев кој настапува за колеџ тимот на Индијана-Прдју.
За Нествед ќе патуваат:
Војдан Стојановски - МЗТ
Бојан Крстевски - МЗТ
Кристијан Николов - Конја (Турција)
Ненад Димитријевиќ - УНИКС (Русија)
Андреј Магдевски - МЗТ
Стојан Ѓуроски - Пелистер
Теодор Симиќ - Барселона У18 (Шпанија)
Дамјан Робев - МЗТ
Андреј Маслинко - ТФТ
Андреј Јакимовски - Вашингтон Стејт Кугарс (САД)
Виктор Ефремовски - Гостивар
Димитар Пандев - ИУПУИ Џагуарс (САД)
