Информациите што доаѓаат од Чизмата велат дека Јувентус е пред постигнување на договор со Будучност за 17-годишниот црногорски вундеркинд, Василије Аџиќ.
Како што пренесува Sky Sports, преговорите меѓу „Старата дама“ и црногорски Будучност се во завршна фаза, а во наредните денови се очекува младиот фудбалер да ги помине медицинските тестови во Торино, по што и трансферот ќе се комплетира.
Аџиќ го доби признанието за најдобар фудбалер во Црна Гора за оваа 2023 година. Оваа полусезона на 19 натпревари постигна 5 гола и запиша 1 асистенција, а минатата на 23 натпревари имаше скор од по 3 гола и асистенции.
Предноста на тинејџерот е што може да игра на повеќе позиции, во средината, како треквартиста, но и како лево крило.
Во моментов Аџиќ се смета за еден од најголемите таленти од државите на поранешна Југославија
Роден во Никшиќ, Аџиќ почнал уште како дете во младинските погони на Будучност од главниот град Подгорица, кој најверојатно ќе добие 5 милиони евра од Јуве за неговиот трансфер.
Има играно за сите младински репрезентации на Црна Гора, а го чека дебито за сениорите.