Јувентус започна преговори со агентот кој го застапува фудбалерот на Челси, Кристијан Пулишиќ.
Calciomercato пишува дека челниците на Јувентус будно ја следат ситуацијата на 24-годишниот Пулишиќ, кој сезонава одигра само 177 минути во осум настапи за Челси.
Пулишиќ беше поврзуван со Јувентус во текот на летото кога „сините“ се обидоа да го доведат Матијс де Лихт, тој требаше да биде дел од „пакет“ со пари, но Јуве сакаше само пари и го продаде дефанзивецот на Баерн.
Сепак, прелиминарните преговори со агентот на Пулишиќ се во тек, а фудбалерот наводно е подготвен за нов чекор во кариерата. Неговиот договор со Челси е до јуни 2024 година, а англискиот клуб за него бара 35 милиони евра.
