Од сите независни држави во светот, само 6 имаат знаме кое нема ниту една од најзастапените бои - црвена, зелена или бела.
И тоа сите 6 користат комбинации од слични нијанси на сина и жолта, а две на овие бои додаваат и црна.
Станува збор за државните знамиња на Шведска (1906), Украина (1918), Барбадос (1966), Бахами (1973), Палау (1981) и Казахстан (1992).
Знамето на Шведска е најстаро во оваа група и датира уште од далечната 1906 година. На сина позадина се наоѓа жолт нордиски крст, каков што имаат сите нордиски држави.
Украина, со прекини, користи исто знаме. Првпат ова двобојно знаме со сина и жолта боја се појавило во 1917 година со боите обратно поставени (жолтата горе, сината долу), но траело кратко бидејќи набрзо боите го промениле редоследот, како денес. Знамето го користела државата Украина пред да биде срушена од болшевиците, кога било забрането. Повторно за кратко заживеало за време на нацистичката окупација, за до 1991 да биде заборавено, кога било прогласено за државно знаме по независноста.
Карипската држава покрај сината и жолтата боја содржи и црна, која го бои трозбецот на Посејдон на центарот на знаето кое датира уште од 1966 година.
Од 1973 година Бахамските Острови користат хоризонтална тробојка од морскосино (горе и долу) и златножолто (во средина) со црн шеврон порамнет со страната на која се закачува знамето.
Оваа мала островска држава среде Тихиот Океан има едноставно знаме со сонце на океанската површина. Нејзиното знаме е усвоено во 1981 година и го имитира јапонското изгрејсонце.
Знамето на Казахстан е прилично ново, датира од 1992 година кога било освоено по повод независноста од СССР менувајќи го знамето на Казахстанската Советска Социјалистичка Република. Златножолто сонце со 32 крака над орел во лет, а на левата стррана е традиционалниот орнамент кошкар-муиз.