Потрошувачката на гориво е под влијание на повеќе фактори, меѓу кои еден од најважните е аеродинамиката.
За тоа е свесен и овој сопственик на Subaru и соочен со поскапувањето на горивото решил да го надгради својот автомобил за да ја намали потрошувачката на гориво.
Сопственикот на YouTube каналот Think Flight се одлучи за надградба на каросеријата. Пред да го обликува задниот дел на возилото, тој ги проучувал законите и дознал дека има само две ограничувања, имено дека задните светла и регистрацијата мора да останат видливи.
Користејќи лесни и евтини материјали, како панели од стиропор, како и обичен картон, направил продолжување на задниот дел од каросеријата. Сè поврза со леплива лента, а по првиот тест резултатот покажа дека потрошувачката навистина е намалена, за 13,7 отсто.
Сето тоа го постигна со модификации во гаражата, кои ги направи за само неколку часа.
Но, сопственикот незадоволен од добиениот ефект, почнал дополнително да истражува како може дополнително да ја намали потрошувачката на гориво. Со едноставен тест ги открил проблематичните области со турбулентен проток и дополнително го детектирал проблемот под подот на возилото каде што е потребно пренасочување на протокот на воздух.
Тој очекува дека со куполниот финиш и малите модификации на предниот браник и прагови, би можел дополнително да ја намали потрошувачката, и тоа значително.
Веројатно наскоро ќе имаме можност да видиме нов придонес на оваа тема, и да дознаеме дали со евтини модификации потрошувачката може да се намали за повеќе од 25 проценти. Секако, зборуваме за возење со константна брзина на отворен пат.