Не треба да се обидувате да вклопите еден час вежбање во вашиот и онака напорен распоред, туку да ги претворите вашите дневни активности од седечки во активни.
Да се најде време за движење и вежбање понекогаш е поголем проблем од самата вежба! Ова го знаат сите оние кои ги чекаат десетици дневни обврски.
Сепак, постојат начини да не ја запоставите физичката активност во вашиот напорен распоред, советуваат експертите за Healthline.com.
Најдете инспирација во овие креативни идеи и движете се повеќе секој ден.
1. Користете ги скалите
Можеби ова е најдосадниот совет што сте го слушнале стопати досега, но тоа не го прави помалку добар совет за повеќе движење. Користењето на скалите наместо лифтот го зголемува пулсот, помага во рамнотежата и го зајакнува долниот дел од телото. Обидете се да прескокнете две скали истовремено.
2. Одете за време на повици и онлајн состаноци
Ако работите од дома и често следите виртуелни конференции и состаноци, зошто да не одите додека траат, особено ако не мора да бидете пред екран. Ставете ги слушалките, мобилниот телефон во џеб и работете додека одите паралелно. Ако го држите состанокот во канцеларија - уште подобро, разговарајте и одете. Истражувањата покажуваат дека одењето ја зголемува креативноста и ја подобрува менталната острина.
3. Правете долги чекори
Да речеме, додека пазарувате. Можеби ќе мислите дека изгледате смешно, но тоа е одлична активност за вас, особено ако туркате количка, бидејќи може да ви помогне да балансирате. Едноставно и многу забавно!
4. Седете на пилатес топка
Заменете го вашето биро со топка за пилатес. Освен што ќе ви помогне при болки во грбот, ќе ви помогне и да го подобрите држењето на телото, а додека седите можете да правите и вежби за истегнување на вратот, карлицата и 'рбетот.
5. Паркирајте го автомобилот подалеку
Ако можете, паркирајте го автомобилот малку подалеку од местото каде што одите. На овој начин можете значително да го зголемите бројот на чекори.
6. Повеќе секс
Некои студии тврдат дека мажите губат четири, а жените три калории во минута секс. Можеби не е исто како еден час тренинг, но може да помогне. Испробајте нови пози и техники и поврзете се со партнерот, додека се движите.
7. Земете домашно милениче или волонтирајте во прифатилиште
Идејата е да се движите повеќе, да поминувате што е можно повеќе време на отворено и на крајот да помогнете. Вашето ментално здравје и вашето тело ќе ви се заблагодарат.
8. Едноставно танцувајте
Можете буквално да танцувате во сите ситуации – додека готвите вечера, диплите алишта или чистите со правосмукалка. Танцувањето е фантастичен и забавен начин за согорување калории, а истовремено работи на рамнотежа и координација.
9. Балансирајте
Активностите што ги правите стоечки искористете ги за да ја подобрите рамнотежата. Стојте на прсти, на една, па на друга нога и така по неколку пати.
10. Вежбајте или истегнете се додека гледате телевизија
Овој совет не е ништо ново, но навистина може да ви помогне побрзо да ви помине времето кога одите или трчате на лента за трчање, возите велосипед, се истегнувате или кревате тегови. Важно е само она што ви треба за вежбање да биде блиску до вашиот телевизор.
