Доколку некогаш сте имале искуство со врска на далечина тогаш веќе знаете колку напор треба да се вложи бидејќи не е лесно да се одржат самодовербата и сигурноста кога саканата личност не ја гледате често.
Овие совети можат да ви помогнат врската на далечина да успее:
1. Избегнувајте тајни
Во секоја врска најважна е искреноста, особено кога врската функционира на далечина. Секогаш разговарајте за тоа дали нешто ве мачи и како со заеднички сили да го пребродите лошиот период.
Тоа нема да го постигнете со криење работи од партнерот или недоволна комуникација.
2. Разговарајте секојдневно
Со помош на технологијата нема причина да не разговарате секој ден, тоа ќе ја зацврсти врската. Експертите за врски препорачуваат почесто да испраќате гласовни пораки бидејќи преку текстуалните не може секогаш да се заклучи што мислите.
3. Дефинирајте ја сериозноста на врската
Пред да се впуштите во овој однос, мора да ги дефинирате условите. Врската на далечина подразбира пожртвуваност, но ако навистина верувате дека сте еден за друг, тогаш тоа нема да ви биде важно. Договорете се колку пати дневно ќе се слушате во зависност од обврските кои двајцата ги имате и дали може да се гледате со други луѓе.
4. Имате јасна цел
Ваквиот вид однос не може засекогаш да функционира. Затоа е важно уште од почетокот да ја одредите целта со партнерот. Верувањето и стремењето во иднина конечно да живеете на исто место е најважно за вашата врска.