Многу од вашите пријатели имаат кучиња и секогаш ви причинува задоволство да си играте со нивните миленици. Исто така, многу кучиња ви приоѓаат во паркот, што значи дека не се плашат од вас, што е важна карактеристика на иден сопственик на куче. Сепак, вдомувањето куче не е мала одлука.
Треба добро да размислите пред да го преземете овој чекор, бидејќи кучињата не се повратна стока. За жал, многу луѓе сфаќаат дека кучето е преголема одговорност и таквите животни завршуваат на улица, без никој да се грижи за нив. Доколку се двоумите дали сте подготвени за куче или не, обрнете внимание на следните редови. Ако се најдете во нив, можеби е добра идеја да ја преиспитате вашата одлука.
Вашиот стан е премногу мал – иако некои раси на кучиња се посоодветни за мали животни простори како што се чивава и малтезер, на повеќето други ќе им треба простор за растење, игра и забава. Ако навистина имате многу малку квадрати на располагање, а сте планирале поголема од овие раси, размислете на каков живот го осудувате вашето куче.
Имате премногу обврски – Кучињата бараат многу внимание. Доколку имате премногу обврски поради работата или студиите, прашање е дали ќе успеете доволно да се посветите на својот миленик. Потребно му е секојдневно четкање, хранење, играње, прошетка, но и одење на ветеринар, шишање и други работи за кои е потребно време.
Имате финансиски проблеми – Згора на сето горенаведено, чувањето куче дома е скапо. Од храна, до ремче, каивче, шампони, играчки до душеци за спиење. Исто така, има часови за тренирање, вакцини, чипирање, стерилизација и други важни ставки кои чинат пари. Доколку моментално не сте во добра финансиска ситуација, подобро е да почекате пред да земете куче.
На кучињата им е потребен постојан тренинг и дресура - Тренингот на кучето може да биде доста напорен. Ако немате доволно време и пари да се посветите на тоа, покрај себе ќе имате куче кое не е соодветно дресирано и нема да ве слуша. Таквите кучиња се склони кон деструктивно однесување во куќата, како и да напаѓаат други луѓе и кучиња.
Кучешки влакна ќе има насекаде низ станот - Многу раси на кучиња се митарат. Ова би значело дека и покрај редовното четкање, влакната на вашето домашно милениче ќе ги најдете на мебелот и теписите. Освен тоа, подгответе се вашата гардероба да биде полна со кучешки влакна. Ако ова ви изгледа како нешто што би ви пречи, сметајте дека сè уште не сте подготвени за куче.