Golf GTI се движи во лентата за претекнување на германски аутобан со брзина од 240 км/ч, кога патот му го „засекува“ Škoda Rapid.
Благодарение на среќниот сплет на околности, но и на прибраната реакција на возачот кој снима со GoPro камера, како и електронските системи со кои е опремен Golf GTI, блискиот контакт на двете возила на автопат со толку голема брзина не заврши трагично.
Делови од германскиот аутобан каде што нема ограничување на максималната брзина им даваат можност на љубителите на брзи автомобили да ги испробаат максималните перформанси на нивните машини.
Сепак, возењето со брзина од над 200 км/ч носи голем ризик доколку сите учесници во сообраќајот не се доволно внимателни.
Возачот на Škoda Rapid од видеото се обиде да се престрои во лентата за претекнување кога возачот со Golf GTI се приближуваше со голема брзина. При такви брзини, на возачите им останува многу малку, а некогаш не им останува воопшто простор за поправање на грешките, па последиците се често трагични за учесниците во инцидентот.
Во овој случај, за среќа, резултатот од контактот помеѓу двете возила беше само „гребнатинка“ и материјална штета, што, ќе признаете, е мала цена за небрежноста што можеше да ги чини живот и двајцата возачи.