Познатиот холивудски актер Марк Волберг неодамна гостуваше во „The Tonight Show“ на Џими Фалон каде откри како изгледал процесот на зголемување на телесната тежина за улогата, опишувајќи го целото искуство како „многу тешка задача“.
50-годишниот актер мораше да се здебели поради улогата во филмот „Father Stu“, поради што внесувал минимум 11.000 калории на ден.
„Во првите две недели од диетата консумирав околу 7.000 калории на ден, а вторите две недели околу 11.000 калории на ден. Воопшто не беше забавно. Тоа е многу тешка задача. Слабеењето е различно - намалете го внесувањето на храна и редовно вежбајте Но, ова... Дури и кога сте сити, мора да продолжите да јадете. На пример, јадев на секои три часа за да се здебелам“, рече актерот.
Тој додаде дека на постарите луѓе им е многу потешко да се здебелат и ослабат, наведувајќи го метаболизмот како главна пречка: „Но, чекав шест години за да го снимам овој филм. Имавме само 30 дена за да го снимиме, морав да работам напорно за сè да оди според планот“.
Неговиот личен готвач Лоренс Дјуран на почетокот на јули откри како точно изгледале оброците на актерот:
„Рано наутро, околу 4-5 часот, јадеше четири јајца - пред појадок. Потоа одише да тренира еден час, а потоа се враќаше и јадеше осум јајца, шест парчиња сланина, чаша ориз, две лажици маслиново масло и протеински шејк. Потоа, три часа подоцна јадеше телешко месо и друга чаша ориз. За три часа повторно јадеше, половина пржено пилешко и уште една чаша ориз. После тоа, јадеше свински кременадли, лосос и уште ориз. Денот го завршуваше со голем оброк кој се состоеше од стек, риба, морски плодови и зеленчук“, објасни Дјуран.
Волберг, кој е поранешен рапер, од музичките во филмските води се префрли со дебито во во 1994 година, а потоа се прослави со „The Perfect Storm“ (2000), „Planet of the Apes“ (2001), „The Italian Job“ (2003), „The Departed“ (2006), „The Fighter“ (2010), „The Other Guys“ (2010), „Ted“ (2012), „Transformers: Age of Extinction“ (2014), „Ted 2“ (2015), „Daddy's Home“ (2015), „Daddy's Home 2“ (2017) и „Transformers: The Last Knight“ (2017).
