Репрезентативецот на БиХ Миралем Пјаниќ синоќа го запиша официјалното деби за Барселона во триумфот на Каталонците против Виљареал со 4:0 во дуел од Ла Лига.
Пјаниќ влезе во игра во 78. минута на местото на Серхио Бускетс и иако немаше многу време да ги покаже своите вештини на теренот, успеа да ги одушеви навивачите на Барса, барем судејќи по коментарите на социјалните мрежи.
Она што особено им се допадна на навивачите на Барселона очигледно е „фудбалерската агресивност на Пјаниќ на терен“ и повеќето сметаат дека тој би требало да биде стартер во следните натпревари.
Пјаниќ само 30-тина секунди по влегувањето во игра одзеде две топки и го презеде диригирањето со играта на Барса. За 12 минути поминати на терен имаше 23 контакти со топката, 18 пасови (со точност од 95%), еден добиен дуел и две пресечени топки.
Навивачите на Каталонците сметаат дека Пјаниќ треба да се најде во почетниот состав на Роналдо Куман, а репрезентативецот на БиХ по дебито за Барса порача:
„Од првиот ден мора да веруваме во себе, оти никој друг нема.“
