Вистинските готвачи никогаш не ставаат риба во брашно, туку во една друга намирница. Еден трик ќе ви помогне да ја направите рибата покрцкава, повкусна, а да не впие ниту капка масло.
Тоа е состојка која ќе ја користите како замена аа брашното, а која повеќето ја имаат во кујната - густин. Густинот, или пченкарниот скроб, ќе создадат заштитна обвивка околу рибата, ќе биде крцкава и нема да може да впие премногу масло и да биде мрсна.
Потребни состојки:
- 1 кг риба по избор (погодна е и морска и речна)
- 200 гр густин
- 3 лажички сол
- 1 лажичка бибер
- 1 лажичка лук во прав
- други зачини по ваш избор
- масло за пржење
Подготовка:
Исечете ја рибата на парчиња, посолете ја како и обично и оставете ја во фрижидер. Ова најдобро се прави еден ден претходно, но може да се направи и неколку часа пред пржење.
Ставете го густинот во сад, додадете една кафена лажичка сол, а потоа бибер, лук и други зачини по избор. Сè добро соединете.
Во длабок сад сипете го маслото, поголема количина за да „плива“ рибата во него, па добро загрејте го.
Извадете ја рибата од фрижидер, па секое парче убаво извалкајте го во смеса со густин и спуштете ја во врелото масло. По потреба неколку пати превртете ја рибата, за да се испржи рамномерно од сите страни.
