Со години се зборувше дека еден од најпопуларните екс-ју бендови „Бијело думе“ бил државен проект, но Горан Бреговиќ во интервју за „Недељник“ конечно стави точка на ваквите гласини.
Тој опиша каква била актуелната состојба и како изледала првата средба со Јосип Броз Тито.
„Навистина постојано имавме полиција околу нас. Сараевското одделение за наркотици постојано ни беше зад петици. Го уапсија Ипе Ивандиќ, а во последниот месец во војска имав куќа во Ниш каде имавме проби како ‘Бијело дугме’ пред албумот ‘Битанга и принцеза’ и се сеќавам дека Одделението за наркотици упадна во куќата и изврши претрес. Јас уште бев во униформа на ЈНА“, раскажува Бреговиќ.
„А тоа дека ‘Бијело дугме’ бил државен проект? Се сеќавам дека нѐ викнаа да свириме за Тито за Нова година. Некои внуци на Тито пееле ‘Тако ти је, мала моја, кад љуби Босанац“, па го донесоа тој бендот што ја пее таа песна бидејќи сфатиле дека другарот Тито сакал да го слушне баш тоа. Меѓутоа, со оглед на тоа дека пет секунди откако почнавме да свириме, Тито си ги затна ушите, нѐ симнаа од сцена по осум секунди свирење. Така што, да преку сила десет секунди свирев како државен проект. Ние имавме малку културно збунета публика, како што бидува во комунизам. Комунистите имаа службена културна политика што се движеше меѓу балет, опера и класична музика, не бидејќи го сакаа тоа, туку бидејќи сакаа да е*ат пејачки и балерини. Немаа сериозен културен концепт, туку сакаа да ја зачуваат традицијата, па направија културни друштва да го зачуваат фолклорот.“
