Кошаркарите на Голден Стејт Вориорс поведоа во финалето на плеј-офот од Западната конференција против Далас Маверикс со 1:0 во партии.
Вориорс славеа убедлива победа на домашен терен во „Чејс Сентр“ арената со 112:87 и сосема заслужено дојдоа до предност во серијата која се игра прв до четири добиени натпревари.
Стеф Кари го предводеше победничкиот тим со 21 поен, 12 скока и 4 асистенции, а шестмина негови соиграчи постигнаа двоцифрен број на поени.
На спротивната страна единствен расположен за игра беше словенечкото чудо Лука Дончиќ, но и тој оствари скромен настап според неговите стандарди. Словенецот го заврши натпреварот со 20 поени, 7 скока и 4 асистенции.
Следниот натпревар се игра во ноќта петок кон сабота, а домаќин повторно ќе биде Голден Стејт во истата арена во Сан Франциско.
